Aizawl,January 20, 2024: Vawiin hian Aizawl North III bialtu MLA, Home Minister K. Sapdanga chuan Chanmari Local Council House-ah a bial chhung mipui tan interview hun a buatsaih a, mipuite'n an hlut hle. Bialtu MLA hi Aizawl North III Block hruaitute'n an tawiawm a ni.

Chawhma lamah Chanmari West, Hunthar leh Edenthar vengte tan hun hawn a ni a, chawhnu lamah Electric, Chanmari leh Zarkawt veng tan hun hawn a ni bawk. He hunah hian veng hrang hrang Local Council leh NGO hrang hrang bakah mi malin bialtu MLA hnena tul pawimawh an thlen a, bialtu MLA chuan an thu thlen tha takin a lo dawngsawng a ni.

Bial mipui Office dawr harsa tan bial chhung ngeia an thu ngaihtlak sak hi bial mipuite pawhin zawngchhang tlak an ti a, a theih ang a tam tih chhunzawm zel turin ruahmanna siam a ni bawk. Chanmari ZPM Unit ten veng neitu a nih angin thil tul zan lo buaipui a ni.