Mizoram Rajya Sabha MP K.Vanlalvena chuan parliament fur thutkhawm neih mekah Ningani chawhnu khan Union Home Minister Amit Shah-a thu sawi na taka chhang letin Manipur-a Zohnahthlakte thlavang na takin a hauh.

Parliament thutkhawmah hian K.Vanlalvena chuan Manipur buaina chungchang sawi chhuakin tribal a nih thu a sawi phawt a, “Union home minister khan a thu sawiah ‘Manipur-a tribal-te chu Myanmarese’ tiin a sawi a, kan ni lo. Myanmar mi kan ni lo, India mi kan ni. British-ten India an awp hmain kan cheng tawh a, kum 200 zet kan lo cheng tawh,” tiin a sawi a, a thu sawi dan ki-ah a thin a rim hmel hle bawk.

Hemi hnuah hian Mizoram MP thu sawi hi hriat theih zui a ni lo va, member dang an au nuaih nuai a, chairman pawhin member-te chu thu tur leh bengchheng lo turin a ngen nasa hle a ni.

Shah-a thu sawi nia K. Vanlalvena’n a sawi hi eptuten Manipur buaina chungchang avanga sorkar rintawk lohna motion an put luh a chhan letnaa a sawi nia hriat a ni.