Kalidou Koulibaly (born 20 June 1991) hi professional footballer thar niin Premier League club Chelsea tana khel tur niin Senegal team captain a ni. 

Koulibaly hi khawvel huap pawh defender tha tluanchhuak ber zinga chhiar a ni a, a defending thatna, a chakna leh a tlanchakna te avangin 'K2' tih te 'The Wall' tih te in hming lem an phuahsak a ni.

Koulibaly hian 2010 khan French team Metz atangin eizawnna bul a tan a, 2012 khan Belgian club Genk a zawm a, 2014 khan Italian team Napoli chu a zawm, Supercoppa Italiana leh Coppa Italia a lakpui a ni.

Senegalese nupa karah Koulibaly hi France-ah a piang a, ram pahnih tana inlan thei a nih angin France national under-20 tan pawh a lo khel tawh. 2015 khan Senegal tan a khel tan a, 2017 Africa Cup of Nation-ah pawh khan a inlan a, 2019 khan African Cup of Nations final a thlenpui a, 2021 Africa Cup of Nations-ah khan Koulibaly ho hian Senegal chu Egypt hnehin an champion a ni.

May 2019 khan Koulibaly hi honorary citizen of Naples hlan a ni a, April 2015 khan honorary citizen of Saint-Dié-des-Vosges pek a lo ni tawh. Naples-ah hian a lar hle a, entrepreneu pakhat chuan a hming chawiin pizza a siam hial.

Amah hi Muslim a ni a, a hming pawh hi Quran behchhana phuah a nih thu a sawi. French a hman theih ang bawkin English leh Italian a hmang phei bawk.

Napoli tana a khelh chhungin Koulibaly hian Italian football-a racism nasa lutuk chu a tlangaupui nasa hle a, racism beih let nan stadium luh phalsak lo hial tur te pawhin Italian football thuneitute a ti thin. Italian football thueneitute chu hetiang lam ngaihtuah tawk lovah hian a puh bawk.

July 16, 2022 khan Koulibaly hian Premier League Club Chelsea chu kum li atan a zawm a ni.