Aizawl Jul 29, 2023 : Mizoram Pradesh Youth Congress Committee (MPYCC) in Sorkar Tha leh Kalphung Dik tih thupui hmanga, Street Campaign a buatsaih kalzel-ah Lalnunmawia Chuango, IAS (Rtd) chuan kalphung duh khawp lohna siamtha tura beiseina sang tak neitu chu Congress leh ZPM an nih thu a sawi.

ITI veng kawn-a thu a sawinaah MPCC Special Invitee Lalnunmawia Chuaungo chuan, "Tun-a kan ram kalphung kan hmuh hian duh khawp loh-na tam tak kan nei a, chumi siamtha thei tur a beiseina sang tak neitu chu Congress Party leh ZPM te kan ni. Chumi-ah chuan tu te nge hmachhawp nei tha zawk tih mipui ten min buk turin ka duh a ni," a ti.

Lalnunmawia Chuaungo chuan, hnam tlem leh hnufum zawk te humhim tura a hrawn mek Central-a BJP sorkar chu, a tiduhdah tuah an tang mek tih sawiin, "Hnam hnuaihnung zawk kan unau te dan chep in an awm mek a, Manipur-a BJP sorkar chuan Meitei te ralthuam hmangin a chhawmdawl mek a, Central sorkar hian Manipur a kan unau te buaina hi a hai der rei tawh hle a, Mizoram pawh a rawn kang kai tep tawh a, a kawtawp-ah kan in humhim nana hma kan lak a la ngaidawn a, chumi a thlen loh na tur chuan, Central-a BJP kan paih a, Congress kan sorkar tir a ngai a ni," a ti a. 

Central a BJP sorkar a tlak theih nan Mizoram-ah Congress kan sorkar tir a ngai a. Central-a BJP sorkar tir leh kan duh a nih erawh chuan MNF leh ZPM kan vote angai dawn a ni, a ti bawk.