ZALEN June 25, 2024; Kolasib Khuangpuilam Community Hall sak thar chu nimin khn Assembly Deputy Speaker Lalfamkima'n a hawng.

Khuangpuilam Community Hall hawnna hun hi an VCP Pu Robert VL Hruaia'n a kaihruai a, Dy Speaker Lalfamkima chuan thusawiin, hmasawnna chu vawi leh khata thawh zung zung a harsat avangin an veng mamawh thil dangte pawh a tahtawl in thawh zel anih tur thu leh sorkar hmalakna te thlawp a, tawiawm zel turin kalkhawmte chu a chah.

Dy Speaker chuan, sawrkar chuan Mizoram hmasawn zel nan kawng hrang hrangah hma a lak avangin sawrkar hnathawk aikal lak chungchangte leh sawrkar hnathawk pension emaw, alo boral avang emaw a khawngaihna a an chhungte hna engemaw a thun a awm zeuh thin pawh kalphung tharah chuan a awm tawh loh tur thu sawiin, sawrkar hna hrim hrim chu interview paltlang vek a ngai a ni, a ti a. Hna zawng mek te tan pawh an thiltih ah rinawmna, taihmakna leh Pathian tihna a awm chuan hlawhtlinna awm a ni, a ti bawk.