May 16, 2024; Nimin May ni 16, 2024 hian KAMCO (Kolosib Agro-Marketing Cooperative Society Ltd) te leh Horti minister Prof. Lalnilawma ten inkawmhona an nei.

KAMCO hian Dragon fruit aṭang a fermented juice leh Theiherawt concentrated juice an siam te kengin an hmachhawp leh mamawh hrang hrang te an sawiho a ni.

KAMCO te hmalakna, kuthnathawktute tharchhuah man mân zawka siam danglam a, bottling mawi tak nena zawrhchhuah theiha an hnathawh ropui a tih thu leh an in pekna hlu a tih thu minister chuan a sawi.

KAMCO te an hmalakna ah an mamawh hrang hrang te pawh a Department chan aṭang a puihna awm thei te ngaihtuahsak a tum a, an product-te a quality-in hma a sawn zel theih nan pawh mithiam zawkte rawn a, a ṭul ang zela hmalakpui a inhuam bawk.