Mizo Zirlai Pawl (MZP) leh Aizawl Municipal Corporation (AMC) tangkawp buatsaih Inter College Debate Competition 2022 chu nimin khan Chanmari YMA Hall-ah neih a ni a, Aizawl Municipal Corporation (AMC) Mayor Lalrinenga Sailo chuan khuallian niin hun a hmanpui a, Bawlhlawh sawngbawl kawnga an hmalakna a sawi.

Khuallian Aizawl Municipal Corporation Mayor Lalrinenga Sailo chuan, "Bawlhhlawh hi a sawngbawl leh tihral danah amah intodelh turin AMC in hma a la chho mek." a ti. Nakkum atangin Aizawl Day hman tan a ni tawh tur thu a sawi a, Feb 25 chu Aizawl Day atan hman tura rel a nih thu a sawi bawk.

"Kan bawlhhlawhte hi rangkachaka chantir kan tum a, kan hlawhtlin tan mek a ni.
Bawlhhlawh leitu leh a haitu tur license pek an ni a. Tuiriala kan bawlhhlawh khu thil hlu tak tak a tam mai a. Bawlhhlawh hi a sawngbawl leh tihral danah amah intodelh turin AMC in hma a la chho mek a. A hmasa ber atan, Ni 20 chhungin royalty atangin cheng sing hnih a lut thei a ni," a ti.

Aizawl Mayor chuan, Aizawl khawpui than dan milin AMC hi a la intodelh lo deuh hlek a. Tuna kalphung tam tak te duhthusam chu la ni lo mah se, dan leh dun zawm kawngah mipuite hian khua leh tui tha nih kan tum vek a ni, a ti bawk.