September 20ṭ 2023; Kolasib Auto Rickshaw Drivers' Union (KARDU) te chuan Kolasib Press Club-ah chanchinbu mite an kawm a, Kolasib khawchhunga tlan tur Auto permit chungchanga sorkar an ngenna a hlawhchham thu an sawi.

1. Kolasib-ah Auto register 388 a awm mek

2. Permit thar hi pek chhuah hunah passenger phur lirthei, Kolasib town-ah 794 a awm ang.

3. Chhungkua atanga permit 3 hmu an awm.

4. Passenger phur lirthei permit hmu thar zingah MNF block hruaitute an langsar hle, permit an hmu double deuh vek.

5. Block hruaitu pakhat chuan a hma in permit a hmu tawh a, mahse a hralh zui nghal.

MNF block hruaituten KARDU te nen an inbiakna ah permit hmu double leh sorkar hnathawk zingah permit hmu te cancel an nih theihna kawng hma an lak dawn thu an hrilh, an hmalakna ring tawk turin an ngen hnu lawkah cancel awm lovin pekchhuah zui a ni. "Patling leh patling kan in bum chiang hle mai," an ti.