Bollywood star Katrina Kaif leh a bialpa Vicky Kaushal te chu an inhual niin an tarlang, mahse hei hi Katrina Kaif lamte chuan an pha thung. 

Kum 33 mi Vicky Kaushal leh Katrina Kaif (38) te hi 2019 atang khan an inzui tan a, a tirah thup ve bawk mahse rei tak erawh an thup theih bik lo. Hun eng emaw chen an inzui hnuah tun hnai khan inhualna 'roka ceremony' an buatsaih niin thu a rawn thang leh ta a, mahse hei hi a dik ngei em tih hriat a ni lo. 

An thian hnai tak pakhat chuan an awmdun thu an sawi hi chu a dik thu leh, an inhual chungchang an sawi erawh a hriatpui loh thu a sawi a, thu puar paw leng mai mai a nih a rin thu a sawi. 

Katrina leh Vicky te hi tun hnai khan Sidharth Malhotra leh Kiara Advani te channa Bollywood film thar 'Shershaah' tlangzarhnaah an kaldun a, an chanchin hi a rawn darh chho ta a ni. 

British actress Katrina Kaif hian Bollywood-ah hriat a hlawh hle a, film hit tak tak - Bang Bang, Zero, Sooryavanshi, Tiger 3, Tiger Zinda Hai, Dhoom 3 leh Boom ahte a inlan tawh a, heng bakah hian film dang thahnem takah a inlan tawh bawk. 

Vicky Kaushal pawh Bollywood-ah chuan hriat hlawh berte zinga mi a ni a, a channa hit lo tak tak a awm ngai meuh lo.