Ni ruk liam ta maia Prime Minister Narendra Modi-a’n a hawn, Bengaluru-Mysuru highway, Karnataka-ah chuan ruah a sur hnuah tui a tling nasain lirthei pawhin a tuar hle a, mi tam tak chuan peih mang lova hawn a ni em ni tih an zawt sup sup.

Ramanagara region-a Zirtawpni zana ruah tam tak a sur hnuah Rs. Vaibelchhe 8,480 senga siam kawngpuiah hian tui a tling nasa hle.

Lirtheite pawhin dai dan tur an hriat mai loh avangin an kal muang a, lirthei tang khawmin a jam thui hle.

Mi thenkhat chuan Chief Minister BS Bommai leh prime minister chu an lirthei chhia leh peih lova kawngpui hawn a nih chungchangah an deu hle.

“Ka Maruti Swift car chu tuiin a chim a. A thi a, hnung lam atangin lorry lo kalin min su zui a. Tunge a mawhphurtu? Chief Minister Bommai-a hian ka car hi siam rawh se. PM Modi-a’n a hawng a, road & transport ministry pawhin peih a ni em tih a en hmasa lo em ni” tiin pakhat chuan a sawi.

Modi-a hian Pathianni khan km 118-a thui Bengaluru-Mysuru expressway hi hawngin darkar thum kal ngai thin chu minute 75-ah a thlen theih ta a ni.