July 24, 2023; ACBOA in naktuka kawngzawh chhungin Aizawl khawpui tlangdung a bus service an chawlhtir dawn.

Naktuk July ni 25 a manipur Zo hnahthlak unaute thlavang hauhna kawngzawh tur chu Aizawl City Bus Owners Association (ACBOA) chuan thlawp ve ngei nise a ti a. Chuvang chuan hemi hi hian City bus zawng zawngte chawhma dar 11:00 atanga kawngzawh programme chhung zawng chu service loh tur a ni a, programme zawh vekah Ngaizel terminal leh Zemabawk turning point atangin service chhunzawm leh a ni ang.

Lo service luih tum emaw thuchhuah zawm lo an awm chuan na taka action lak tur ani tih an tarlang.

Kawngzawh an support avangin kawngzawh turte leh kawng zawh zo tawhte kalna leh haw na tur a pawimawh dawn a, Sakawrtuichhun, Complex, Sihphir te chu tlan dan pangaiin an tlan thei anga, City bus service te chu Ngaizel lam atanga chhuak hnuhnung ber hi chawhma dar 10:30 a ni ang a, dar 11:00 hma in Chanmari paltlang tura beisei a ni a. Zemabawk atanga chhuak hnuhnung ber chu chawhma dar 9:40 ah a ni ang a, hei hian chawhma dar 10:55 ah Ngaizel a thleng phei tura beisei a ni.