July 24, 2023; NGO Co-Ordination Committee huaihawt, Manipur-a Zo-hnahthlak unaute thlavang hauhna kawngzawh tur an thlawpna lantirin MPYCC, MNF, BJP leh ZPM ten naktukah an party office an khar dawn.

MNF president, CM ni bawk Zoramthanga chuan, NGO Co-Ordination Committee in Manipur a kan unaute thlavang hauhna kawngzawh neih tur chu MNF chuan a thlawp tih sawiin, "Naktuk hian MNF office Mizo Hnam Run pawh khar a ni ang. MNF a thawktu zawng zawngte kawngzawhna a tel vek turin kan in ngen a ni." a ti.

Mizoram Pradesh Youth Congress Committee (MPYCC) pawhin, Manipur-a Zo-hnahthlak unaute thlavang hauhna kawngzawh tur-ah MPYCC member zawng zawng te tel vek turin an in hriattir a. Kawngzawh chhungin MPYCC office khar a nih tur thu leh MPYCC office-ah hian puandum zar a nih tur thu an tarlang.

ZPM leh BJP te pawhin thuchhuah siamin, naktuk kawng zawh tur an thlawp zia lantirna atan naktuk ah an party office an khar dawn tih an tarlang bawk.