July 5, 2023; Serchhip district-a Thinglian khuaah Kel natna chi khat, Peste Des Petits Ruminants (PPR) vangin Kel 170 chuang an thi tawh a, 6 chauh an dam tawh nia thudawn a ni.

Media thenkhat a tarlan a nih tawh angin, Serchhip district a awm Thinglian khua hi bialtu MLA, AH&Vety Minister Er. Lalrinawma’n Kel vulhna hmunpuia siam tumin a MLA fund hmangin Kel 92 leina a pe a, hemi bakah hian Kel tlan tur tuikhuah siamna leh Kel vulhna hmun hungna a pe bawk a, hemi hmang hian Silchar lama mi Kel 92 chawk luh a ni.

May ni 28-ah Thinglian thlenpui a ni a. Heta tang hian 80 chuang an thi tawh a, an vulh sa 70 chuang pawh an thi zo deuh vek tawh bawk a, tun dinhmunah 6 chauh an dam tawh a ni. 

Bialtu MLA hmalaknain Thinglian khuaa Kel te hi Serchhip district Veterinary Office-a ran Doctor ten enkawl a, Assam atanga an lak luh dawnah an hriselna dinhmun enfiah  a nih loh avangin vanduaithlak takin PPR hi a lo tai darh ta nia rin a ni.