August 31, 2023; Naupang Inkhawmpui lo awm turah kohhran thenkhat a zirtirtute chuan an fate kawr thar leisak lo turin nu leh pa te an ngen.

Durtlang Prebyterian Kohhran a Junior Department zirtirtute chuan an zirlai naupang nu leh pa te hnenah ngenna thlenin, September ni 10, 2023 a Naupang Inkhawmpui Durtlang North Biakin a awm turah, an fate chu kawr thar lei sak lo tur leh khawmpui ni a kawr thar hak tir lo turin an ngen a ni.

Hetiang a ngenna an thlenna chhan hi chhungkaw khawsak phung inan loh leh inchen loh vang a ni.

Anni bakah hian khawmpui kawr thar lei kher lo tura nu leh pate ngen leh chumi tura naupangte zirtir pawh kohhran an tamin a rinawm bawk.