Reliance Jio chuan third quarter report an tichhuak a, India rama khawpui 1000-ah 5G an kalpui tawh thu an puang. Hetih rual hian quarter khat chhuna company hlawkna tel pawh 8.8% a a pun thu an tarlang bawk. 
Third quarter hi December 2021 thleng kha niin, thla thum chhunga hlawkna an tel chu cheng vaibelchhe 3,795 zet a nia, quarter hmasa aia a sanna chu 8.8% a ni. Kum 2020 third quarter-ah khan vbch 3,291 an lalut a, kum hmasa nen khai khin pawhin hma an sawn tih a hmuh theih. 
Kum khat chhunga an sum lakluh pawh a puang a, 2020 chhunga an sum lakluh vbch 19,475 a nih laiin, 2021-ah chuan vbch 20,597 ah a kai chho a ni. 
India rama telecom service lian ber Jio hian India ram khawpui hrang hrangah 5G hman vek a nih theih nana hma an la mek a, khawpui 1000 an tuam chhuak tawh a, hmalakna kalpui mek zel a ni bawk.