DOWNLOAD OUR APP

Read latest news on your phone
app-store

Khawtlang Information Inpekna - Tlangau App tlangzarh a ni

Dec 04, 2022

Mizo Software Company - Lailen Consulting Pvt Ltd leh Netsurf te tangkawp in hun rei taka ta an buaipui, Mizoram-a Kohhran, Khawtlang leh pawl hrang hrangin a thlawna an hman theih tur Tlangau App chu Khuallian R Lalngheta, Central YMA President chuan a tlangzarh.

Aizawl: Mizo Software Company - Lailen Consulting Pvt Ltd leh Netsurf te tangkawp in hun rei taka ta an buaipui, Mizoram-a Kohhran, Khawtlang leh pawl hrang hrangin a thlawna an hman theih tur Tlangau App chu Khuallian R Lalngheta, Central YMA President chuan a tlangzarh.

Hawnna inkhawm hi Hotel Regency Conference Hall ah neih niin, Rev. Samuel Lalrinsanga, Family Guidance & Councelling Centre, Mizoram Synod chuan hunserh a hmang a. Tlangau App lo chhuah dan leh a chanchin tlangpui sawifiahna Alan Lalhriatpuia, CEO, Lailen Consulting Pvt Ltd in a nei.

Tlangau App hawngtu R Lalngheta chuan, "Central YMA pawh hian information technology lamah tan kan la mek a, hetiang ang mipui tana tangkai tur, thil inhriatawn zung zung theihna tur Application kan nei thei tur hi CYMA chuan kan lawmpui tak zet a, a hlawhtlin ngei pawh kan ring a ni,” tiin a sawi. 

Tlangzarh a nih hnu hian Tlangau App hman dan tur leh a thil tih theih te sawifiahna Lalrinnunga, Head of Business Development. Lailen Consulting Pvt Ltd chuan a nei a.

Tlangau App hi Vengchhung, Pawl, Khua leh State chhunga thu pawimawh, Information kan inpekna tur a ni. YMA/Local Council/Pawl engpawh enkawltu bik awm tur a ni a, vengchhung mipui/member zawng zawng an tel thei bawk. Channel hrang hrang a awm a, mahni pawl/veng/member te tan thu pawimawh a in hriattir zel theih dawn a. Tunlai a Social Media kan hman thin te ang lo in, thu rintlak chauh, thildang in a pawlh buai loh in a hmangtu ten an hmu thei anga. He App ah hian leng chin tur bithliah a nei dawnlo a, Tlangau in a puan thin, veng chhung thil pawimawh- Zualko, ration sem, hnatlang, leh adt. chu phone ah hian en mai theih a ni dawn a ni. Man chawi a ngai lova, Vengchhung chanchinbu a man chawia advertisement an chhuah ang hian man chawiin an chhuah tir thei bawk ang. Zualko information kimchang bakah Google Map atanga an in awmna thlengin a hmangtu hian a hmu thei ang a. Veng bil bakah Mizoram pum a zualko awm te enna a awm bawk ang. Google Playstore leh Apple Appstore ah te download theih in dah chhuah a ni.

Share now