DOWNLOAD OUR APP

Read latest news on your phone
app-store
Khawvela data speed chak ber mai chu 5G aiin a let 100,000 zetin a chak zawk!
Jun 14, 2022

Japan researcher te chuan khawvela data speed chak ber an hmuchhuak tih an puang a, 5G aiin a let 100,000 zetin a chak zawk niin an sawi! Data transmission lama khawvel record thar hian second khatah gigabyte (GB) 125,000 a letling a, km 51.7 aia hlaah a thawn chhuak thei bawk niin an tarlang - pui rem rem tak a ni. Japan mithiam te hian standard hardware hmangin data transmission-ah world record hi an siam a ni. 

National Institute of Information and Communications Technology (NICT)-a Network Research Institute chuan cable pangngai nena inmil optic fiber hmangin - second khata petabit (PB) 1.02 leh second khata gigabytes (GB) 125,000 aia tlem lo data thawn chhuah hmasak ber an tihlawhtlin thu an tarlang. NICT hian transmission system hi standard 0.125mm cladding diameter nei fiber hmangin an siam a, hei hi 'ultra-high-throughput optical link tihhlawhtlinna kawnga hmalakna lian tak a ni. Hun rei lote chhunga hman theih tur cabling technology awm tawhte nena inmil bawk. 

He system hian second khatah 1.02 PB chu 51.7km-ah a thawn chhuak thei tih NICT chuan an tarlang a, December 2020 khan non-standard equipment hmangin world record an lo siam tawh bawk. NICT hian an data transmission record tarlanna paper chu International Conference on Laser and Electro-Optics (CLEO) 2022-ah hlanin, an thil hmuhchhuah hian mithiamte beng a verh hle a ni.

India leh Myanmar Border Fencing
India leh Myanmar ramri hung tum chungchang hi eng nge i ngaihdan?
Hung hi tha ka ti lo
Hung se ka ti
Ngaihdan ka nei lo

Latest News & Chhiar Hlawh