Mizoram sorkar-in a tih tur tih tam tak a tih zinga a lo tiam fo tawh thin thalai khawvel chu a thleng dik chho mek zel a, Mizo thalai ten nuam an tih em em Football khelmual tha tak eng hnuaia inkhel en tu thalai rual atang ringawt pawh hian sport in thalai zingah hma a sawn zia chu a hriat theih awm e. Football khel entu heti zat hi awm mah se thawm nei lova mahni tuina lama tui tlat music Industry hian engtikah tak hmasawn ve ang maw tia tlumtea thlir a lo thilr thin tu tan chuan tun thlenga tih hlawhtlin a la ni lo chu thenkhat tana sorkar tha ni mah se; thenkhat tana sorkar ‘boring’ tak a ni ngei ang. Mizo mizia nena in ngheng tlat rimawi, hman lai atang tawha kan lo ngaihthlak ang play tawh lo mahse an khawvel in a zir miau avanga tunlaia an music tum thin te chuan rual u zawk te lung a len lo ngei ang. Tunlai mi te pawh hian hmanlai music an ngainat loh ang bawkin 80’s a mite chuan tunlai mi music play chu an ngaisang vak tawhin a rin awm loh. Music tha lo tam tak awm mahse tunlai music mila Pathian hla sa te pawh an awm a nih hi! Mahni sum senga music play midang jam room hawh chawpin mi engzat tak awm ang maw? “Khelmual a awm tawh chuan man chawia va khelh thu awm suh!" — hetiang khawvela an awm miau avang hian a thlawna music exercise lak chak thalai te hian engtikah nge sorkarin an tana khelmual tur a siam ve ang tih chu tlumtea thlira an thlir mek a ni. Darkar khatah cheng za atanga za nga thleng chawi thei awm mah se; hla play chak thalai zinga jam room kal pha lo phone leh CD play thin te hi a ni tunlaia damdawi ti kekawr hafual kan tih thin, damdawi tih tur a van deuh avang leh zu in mai tur a awm tawh loh avangin kum 2013 December thla atang phei kha chuan Dendrite chu damdawi ti thinte zingah phungzinga piring vawrh ang chauh a ni tawh a nih hi! VC awm lai atanga Local Council awm hnu thleng a, an venga khawtlang hruaitu ni chho char char chuan hmun hrang hrang a kal kualna a hmuh dan a sawi dan chuan, thalai te hian hmun hi an nei hlawl lova, chuvangin thlanmual hi an pan leh thin nia a hriat thu sawiin, thalaite a uma kan um bakah a khalhin kan khalh a, hetiang a kan um reng a nih chuan thalai tlan chhia te chuan thlanmual leh hmun fianrial lo chu pan tur an nei lo nia a hmuh chhuah thu ha hip in a sawi. Rimawi hian kum a sawi lova, hmun erawh a nei lo thung! IDOL kan buatsaih a, ICON kan buaipui entu zingah naupang atanga chhungpuinu, chhungpuina ber thlengin a nih hi an buaipui. Nula ho an thlen san tum chuan Zawlkhawpui ti ti a luah hneh meuh lova, mipa hmel tha vantlang chunglam Top 10 zingah an lang a nih chuan Zawlkhawpui ti ti a luah a nih kha, nu ber leh kan nula te tang miau hek! Hetiang a nih avang hian IDOL leh ICON entu te zingah hian nu leh nula entu chu mipa ai chuan an tam zawk tih na a ni a. Tlangval tan pawh music chuan hmun sang zawk a neih avangin nula tha thlang thei dinhmuna an din duh avangin music tui viau, khelmual nei si lo tan chuan a hrehawm duh khawp ang. Kohhran bungrua hmang ngam tawh silo, sport ti dawn se kal ngaihna awm tawh lo kan thalai te hian chhan tu an ngai a. Kum 1986 hnu lama piang damdawi ti kan hmuh tam ber hi chu rap ngaisang an nih loh vek leh country music, rock music leh sentimental ngaisang te an ni chawk. Sihal ang maia kan veh kan veh te ho hian tuina an nei ve thova, home a awm ngai lova an mahni tui zawnga thlamuang taka “Football play ground” anga tual chai chak hian zing karah pawh damdawi ti inkhel en an awm thin a nih hi! Hetiang a nih avang hian thalaite nu leh pa, Zoram nu leh pa sorkar hian thalai za sawmhnih tal chhan chhuah na'n hian an tan khelmual siam sak thei sela, damdawi ti khawtlang hruaitu te'n an lo um zuai zui tawh thin te hi front page an la luah ngei a rinawm. Tum chi hrang hrang nei mize hrang hrang nei awm khawmna Mizoram-ah hian nu leh pa chan chang ngam thalai te hian an mamawh tih hre tu kan ram hruaitu te zingah pawh hian an awm ngei ang.