Khualzin tangkhangte ei tur pe
Tualchhung
Jul 25, 2024

ZALEN July 25, 2024; Leimin vanga kawng laka tangkhang khualzinte Keifang Venglai YMA ten ei leh in tur an pe.


ZALEN thudawn danin, khualzinte tangkhangna hmun hi Keifang atanga km 9 bawr velah a ni a, Thawhlehni (23.7.24) tlai atang khan leimin vangin khualzin thahnemtak an tangkhang a ni.


Khualzin thenkhatte chu Keifang lamah letin, khawchhungah an riak a, a tam zawk erawh an chuanna lirtheiah an riak, chung mite chu nizan khan Keifang Venglai branch YMA ten ei leh in tur a hmunah kalchilhin an pe a ni.

Latest News & Chhiar Hlawh