July 29, 2023; Mizoramah kohhran thahnem tak an awm a, chung zing a kohhran pathum (3) chauh Presbyterian, BCM leh Salvation Army ten revival team/speaker an neih 135 zingah hmeichhia 7 an awm.

Revival team ngah ber Presbyterian chuan team/speaker 70 neiin, chungah chuan hmeichhia 2 an awm a, Baptist Church of Mizoram (BCM) in team 55 neiin, hmeichhia 3 an nei. 

Speaker/team 10 nei Salvation Army chuan Territorial Evangelical Ministry tih hming vuahin, speaker an neih 10 zingah hmeichhia 2 an awm.

Kohhran dangah pawh revival team/speaker hi thahnem tham tak an awm turah ngaih niin, heng revival team te hi kohhran inkaihhruaina hnuaiah dan leh dun fel taka kal an ni.

Kohhran a chauh chang te, kohhran a ngui chang leh kohhranin kawng hrang hrang a hmasawnna tur a neih chang te a hmala a, Mizoram hmun kilkhawr ber thleng a tirh chhuah thin te an ni a, an hlutna hian kohhran a awm chhung chuan hniam lam a pan a rinawm loh!