DOWNLOAD OUR APP

Read latest news on your phone
play-store app-store
app-store
ad
Kohhran inrelbawlna ah inrawlh kan tum lo - Dr. Thangtea
Tualchhung
Jan 04, 2022

Aizawl: Health & Family Welfare Minister Dr. R.Lalthangliana chuan, "Covid-19 kaihhnawihah sawrkarin angin engmah khapna kalpui kan tum tawh lo a, SoP anga kal turin mitin kan ngen a. Kohhran inrelbawlna chungchangah pawh inrawlh kan tum tawh lo a ni," a ti.

Vawiin ni 4.1.2022 (Thawhlehni) chhun dar 11:30 a MJA office bearers te nen a pisa a an inkawmna ah he thu hi sawiin Health Minister Dr. Thangtea chuan tunlaia India ramin a buaipui mek Covid-19 chi thar Omicron chu delta variant aiin a let 3 in inkaichhawn a awlsam zawk tih a sawi a. "Mizoramah chuan vaccine kan lak that avangin kan thi puk puk lo turah kan beisei a ni," a ti.

Dr. Thangtea chuan Mizoram ah Covid vaccine dose 13,20,237 pek a ni tawh tih sawiin heng zinga 5,89,427chu dose kima la tawh an niin dose khat chauh la 7,30,810 an awm tawh niin a sawi a. "Ni 3.1.2022 atangin kum 15-18 inkar te tan Covid vaccine kan pe tan a, a bultan nan Aizawl ah kan ti a, district dangah pawh ni 2-3 hnuah pek tan kan tum a ni," a ti bawk. Kum 15-18 inkar te hnena vaccine pek tur chu 'Covaxin' a ni tih sawi bawkin a vawihnihna hi ni 28 danah pek leh tum a ni tih MJA hruaitute chu a hrilh.

Health Minister chuan ni 10.1.2022 atangin vaccine dose 2 la tawh te tan dose khat dang 'precaution dose' pek tan leh tum a ni tih sawi bawkin healthcare worker, frontline worker leh kum 60 chin chunglam, natna benvawn nei te chu dose an lak atanga ni 270 (thla 9) a liam tawh chuan pek leh tum an ni tih a sawi bawk.

Latest News & Chhiar Hlawh