Aizawl: Mizorama kohhran hrang hrangte chuan missionary 3,737 an tirchhuak mek a, kohhran hrang hrang zingah Mizoram Synod chuan 1715 tirchhuakin an tirchhuak hnem ber. Tun hnaia tihchhuah tak ‘Statistical Handbook of Mizoram 2018’ tarlan danin Mizorama kohhran 10 awmte missionary tirchhuah zat chu 3737 niin Mizoram Synod chuan 1715 tirchhuakin an tir tam ber a. Baptist Church of Mizoram chuan dawtin 997 an tir a, Salvation Army-in 302, UPC (Mizoram)-in 145, Seventhday Advantist-in 24, Evangilical Church of Maraland-in 345, Lairam Isua Krista Baptist Church-in 163, Roman Catholic-in 22, Isua Krista Kohhranin 24 te an tir a. UPC North East India atangin report dawn a ni lo thung. Kohhran member-ah pawh Mizoram Synod chuan member ngah berin 604,514 an nei a, heng zinga 295,500 chu mipa niin 309,014 chu hmeichhia an ni. Synod dawtah hian Baptist Church of Mizoram chu a dawtttu niin member 173373 an nei a, Salvation Army-in 61,065, UPC (Mizoram)-in 63,399, Seventh Day Adventist-in 16,771, Evangilical Church of Maraland-in 44,507, Lairam Isua Krista Baptist Kohhranin 28,868, Roman Catholic-in 23,310, IKK-in 10,949 neiin UPC (NEI) atangin report dawn a ni lo a. Mizorama Kohhran mi awm zawng zawng hi 1,026,756 an ni. Tlawmngai pawl zingah Young Mizo Association chuan member an ngah ber a, YMA hian member 427,393 an nei a, heng zinga 254944 hi mipa niin hmeichhia 172,449 an awm a, branch 804 an nei mek. Mizo Hmeichhe Insuihkhawm Pawl (MHIP) chuan member 289,300 an nei a, Mizoram Upa Pawl (MUP)-in member 64,078, Young Lai Association-in member 52252, Mara Thyutlia Py in 12000, Young Chakma Association-in 16,321, Mara Chano Py 6500 leh Lai Women Association-in member 60,00 an nei bawk.