Kolasib DC-in ramri tlawh

Admin - Sep 12, 2021

Ramri hrula hmalakna thenkhat a endik nghal

Aizawl: Kolasib DC Dr.H.Lalthlangliana chuan Zirtawpni khan Phainuam, 
Buarchep tlang, Saihapui ‘V’, Aitlang (Darthanzauva huan leh Aitlang Pui) 
leh Vairengtea Police duty-na hmun te tlawhin Police duty dan dinhmun leh 
ramri hrula hmalakna thenkhat a endik nghal.

Dr.H. Lalthlangliana chuan ramri hrula Police duty-te fuih tharna 
hun hmangin ram ven hna chu inpekna thuk tak nena kalpui a tul thu sawiin 
ralthuam tha aiin rilru paukhauhna leh huaisenna a pawimawh thu a sawi. 
Hma an lo lak tawhna leh an duty kalpui dan chu lawmawm a tih thu sawiin 
ram tana penchhuak an nih ang taka thahnemngaihna nen an hna thawk 
zel turin a fuih a, Aitlang ah hian thing a phun nghal bawk. DC hian ramri 
hrul Police duty-na hmunte a tlawh zawh hian Vairengtea NGO hrang 
hrang hruaitute nen an inkawm leh a. NGO anga an hma lo lak tawhnaah 
leh sawrkar an thawhpui thinnaah lawmthu sawiin ramri chungchanga thu 
belhchiandawl lo thehdarh ven kawnga thawhhopui-ah a sawm nghal 
bawk.

DC hi Vanlalfaka Ralte, SP, Kolasib, Vanlalmuana Fanai, EE, 
PWD, Kolasib Division leh Isaac C. Lalrempuia, SDO(C), Vairengte ten an 
tawiawm a ni.

Share now