ZALEN March 18, 2026: Kolasib Deputy Commissioner Robert C. Lalhmangaiha (48), MCS chu vawiin chawhnu dar hnih pelh khan Civil Hospital, Aizawl-ah Zunthlum leh thisen sang avangin a thi.

Kolasib atanga thudawn danin Robert C. Lalhmangaiha, MCS hi hun rei tak atanga khan zunthlum leh thisen sang avangin a buai tawh a, insulin hmang reng tawh niin, a natna avang hian buai zeuh zeuh pawh a nei thin a ni. Tun hnaiah pawh a natna avang hian Office pawh a kal meuh lo a, hna pawh a quarter lamah a thawk mai thin a, nimin khan a chauh deuh avangin Aizawl lamah phurh chhoh a ni.

Robert-a hi a thisen sang leh zunthlum hi control hleih theih a nih loh avangin vawiin dar hnih pelh hret khan a thi a, a ruang hi zanin hian an veng Chawnpui, Aizawl-ah tlaivarpui a ni ang. Robert C. Lalhmangaiha hi Chawnpui Veng Kohhran Upa a ni.