ZALEN June 01, 2026 : Kolasib District Legal Service Authority buatsaihin May 20 leh 29 khan Kolasib district-a zirna in pahnihah NALSA JAGRITY Scheme hnuaiah dan chungchanga sikul naupangte hriattur pawimawh inzirtirna Awareness Programme on POCSO ACT hman a ni.

St John Higher Secondary School-ah District Child Protection Unit(DCPU) nen a tangkawp a hun hman na ah Lalzawmdiki Protection Officer DCPU, Kolasib chu Resource Person a ni. Pangbalkawn Secondary School-ah Peter Lalbiakzuala Advocate chu Resource Person atan hman a ni bawk.

Resource person-te hnen atangin POCSO Act inzirtirna bakah mipat hmeichhiat hleilenna laka naupangte venhim dan tur inzirtirna neih a ni.

Sikul pahnihah hian naupangte hriat tur hrang hrang sawi bakah dan chungchanga zirlai leh zirtirtuten zawhna an neihte chu an chhang bawk a ni.

Sikul pahnihah hian Fliers,NALSA JAGRITY Legal Awareness Corner' Surakshit Bachpan,Surakshit Bhavishya' Save Childhood, Protect Future siamte chu sikul hmun remchang laiah tar bawk a ni.