July 27, 2023; Tukin zing dar 3:00 vel khan Tuidam leh Tumpanglui inkarah HBKCP volunteers ten Aizawl to Guwahati Service Sumo pahnih aṭangin Kuhva ro bags 22 an man a, an kuhva mante hi tiral nghal vek lovin Police kutah dah a ni a, Custom lamah pek chhawn zui tur an ni.

Dan phalloh Kuhva phurtu Sumo MZ 01 J 8038 neitu leh a khalhtu Lalrama (37) S/o Huzauva (L) hi Ngûr khua, Champhai District niin Kuhva bags 10 a phur a ni. Sumo dang MZ 01 J 0253 hi C.Vanchungnunga (40) S/o Ronghinga (L), Mualpui, Aizawl a mi ta niin, he motor khaltu, Lalnunchhara (37) S/o Lalnunliana hi Mualpui, Aizawl a mi tho a ni.

Thudawnna in a sawi dan chuan Custom Department lama evidence tur Kuhva bags engemaw zat an dah bak chu Kuhva ro an man te hi tihral niin a sawi.