July 11, 2023;  Hachhek Bial Kuhva Chingtu Pawl (HBKCP) chu, naktuk July ni 12 (Nilaini) zing dar 9 atangin chhun zan zawmin Zamuang police check post-a duty te tha ti chak turin an duty ve tawh dawn.

HBKCP executive committee nimin a Kawrthah North VC House a neih chuan, dan phal loh kuhva tawlhruk avanga kum 2022 chhunga Hachhek Bial Kuhva chingtu mipui sum hmuh tur an hmuh phak (hloh) zatte zir chiangin, kum 2021 ah Rs. Nuai 3,235 chuang an hmuh lai leh leh, kum 2022 ah Rs. Nuai 5,000 chuang hmuhchhuah an inbeisei lai a, Cheng Nuai 2000 chuang an hloh chu na an tiin, dan palloh kuhva ro phurtuten harsatna an siamsak hi tawrh thiam harsa an ti a ni.

Hetiang thil avang hian kumin a an Kuhva tharchhuah hralh kawnga harsatna an neih lohna turin dan lova kuhva tawlhte an dan chah theih nan HBKCP executive committee chuan Zamuang police check post behchhanin, naktuk zing dar 9 atangin chhumlo chat lova duty turin ruahmanna an siam ta a ni. Hachhek Bial khaw hrang hrang aṭangin darkar 24 zel a inchhawkin an duty dawn a ni.

Zamuang a Police Check Post hi HBKCP thuneitute a ngen avanga siam niin, Hachhek Bial chhung police station leh outpost bakah I.R leh MAP lam te duty tura fawm khawm thin an ni a. HBKCP chuan Hachhek Bial chhunga police leh armed force awmte khawi station mahin an sanctioned strength an phak loh avang hian Sorkar lamah pawh ngenna an siam tawh a ni.