Aizawl: NLUP hnuaia kuhva tiak tha lo supply avangin nuai 45.62 sen thlawn a ni.
CAG report tarlan danin kum 2013 khan Tuidam Horticulture division hnuaia khaw 16-a NLUP dawngtu (beneficiaries) 936-te tan kuhva tiak nuai 6.62 (cheng nuai 60.37 supply order pek a ni a. Kuhva tiak tha lo supply a nih avang hian beneficiaries 752 (80%) te chuan a tiak hi an dawng duh lo a, hemi avanga sum sen thlawn hi nuai 45.62 a tling niin report ah hian tarlan a ni bawk a.
CAG report tarlan danin kuhva tiak tha lo cheng nuai 45.62 supply-tute hi a dang tha zawk supply-tir leh an ni lo tih sawiin kum 2016 khan a hnawh khahna atan nuai 45.62 man kuhva tiak hi supply leh a ni tih a tarlang a, he thil hi Vigilance Department-in chhui chiang se a duh niin CAG report chuan a tarlang a ni.
CAG report-in kuhva tiak tha lo supply-tu nia a tarlante hi Lalzamliani, Zokailiana Khiangte leh Lalremruati Khiangte te an ni.