Aizawl: Tun hnaia chanchinbu thenkhat leh social media-a Vairengte Taxation gate duty-ten kuhva phur truck pakhat zelah Rs. 3000 an la nia sawi chu thu dik lo a ni tih Taxation Commissioner Kailiana Ralte chuan Zalen a hrilh.

Taxation Commissioner chuan khawchhak lam atanga kuhva lo lut zinga 92% vel chu Champhai ah way bill siam a niin dan ang thlapa kal an ni tih a sawi a. “Champhai lama way bill siam bakte chu way bill siamsak leh thin an ni a. Vairengte check gate-a Rs.3000 laksak thin anga sawi hi thu dik lo a ni,” a ti.

Taxation Commissioner chuan thuthang chu an chhuizui nghal tih sawiin engmah hetiang a awm loh thu leh engkim check gate-ah record en theh a nih thu a sawi.