February 2, 2023; Sawrkar laipui ruahmanna angin, lirthei registration kum 15 tling tawhte chu hman chhunzawm theih an ni tawh dawn lo a, kumin April ni 1 atangin an registration cancel vek an ni ang a, huam chin erawh a nei dawn.

Sawrkar laipui a Ministry of Roads Transport & Highway (MoRTH) tarlan danin, Central Motor Vehicles Rules tihdanglam a ni a, chumi ang chuan April ni 1, 2023 atang chuan motor registration kum 15 tling tawhte chu hman chhunzawm theih an ni tawh dawn lo. He thil hi pollution control a nih theihna tura hma lakna pakhat nia ngaih niin, chumi lama hmalatu Environmentalist te tan sawrkar hmalakna tha tak nia ngaih a ni.

ZALE thudawn danin, he kalphung thar tur hi Mizoramah pawh hman nghal tur a ni dawn a, kalphung thar tur hian mimal lirtheite erawh a huam dawn lo. He dan thar hian heng a hnuaia mite hi a huam dawn a, Army vehicles erawh a huam tel lo vang.

Dan tharin a huam chin turte :
1. Vehicles of Central Government 

2. Vehicles of State Governments 

3. Vehicles of Union Territories

4. Vehicles of Corporations

5. Vehicles of State Transport

6. Vehicles of PSUs (Public Sector Undertakings)

7. Government Autonomous Institutions