July 4, 2023; Tunhnai kum hnih (2) chhungin Mizoram ah pawisa lem, FICN (Fake Indian Currency Notes) Rs. 75,86,100 man a ni a, pawisa lem man zingah Rs. 500 lem a tam ber.

Mizoram police tarlan danin, kum 2020 chhungin Mizoramah pawisa lem man a awm lo a, 2021 ah Rs. 11,95,000 man niin, a vaiin Rs. 500 lem vek (pieces 2,390) a ni.

Kum 2022 ah Rs. 63,91,100 man ni bawkin, man tam ber Rs. 500 lem a ni a, pieces 11,871 a tling. Tunhnai kum hnih chhunga pawisa lem man te hi Rs 2,000 note pieces hnih, Rs. 500 note, pieces 14,261, Rs. 71,30,500, Rs 200 note pieces 1,507, Rs. 3,01,400 leh Rs. 100 note pieces 1,502, Rs. 1,50,200 a ni.

Heng kum hnih chhung hian thubuai 9 ziahluh niin, mi 15 police ten an man.