May 11, 2022; Tunhnai kum 20 (2002-2021) chhungin Mizoram district hrang hrang zingah Lawngtlai district chu ruahtui tlak tamna ber niin, hemi hun chhunga kum khat a ruahtui tla zat chawhrual chu mm 2971.6 a tling. Champhai district chu ruahtui tlak tlemna berin, kum khat ah mm 1920.6 tla ang a ni.

Mizoram sawrkar a Economic & Statistic department chhinchhiah danin, nikum 2021 chhung khan Siaha district chu ruahtui tlak tamna ber niin, mm 2301.4 a tla a, Saitual district ah mm 862.9 tlain, a tlem ber thung. 

2002-2021 (kum 20) chhungin Mamit district ah chawhrualin kum khat chhunga ruahtui tla zat chu mm 2577.5 a tling a, Kolasib district ah mm 2523.6, Aizawl district ah mm 2642.5, Champhai district ah mm 1920.6, Serchhip district ah mm 1929.3, Lunglei district ah mm 2489.3, Lawngtlai district ah mm 2971.6, Siaha district ah mm 2535.1 tla ang a ni.

2021 chhung a ruahtui tlak dan (mm):
District           Tla zat
Mamit            1258.3
Kolasib           1302.5
Aizawl            2246.3
Champhai      1518.4
Serchhip        1345.7
Lunglei          1302.5
Lawngtlai      2086.1
Siaha             2401.4
Saitual           862.9
Hnahthial      1445.3
Khawzawl      1299.6
TOTAL            17068.46