Japanese Red Army hel pawl dintu pakhat zawk chu kum 1974-a embassy luhchilh thubuaia kum 20 zet a tan hnuah chhuah a ni ta.

Kum 76 mi, Fusako Shigenobu hi kum eng emaw zat man tuma zawn a nih hnuah kum 2000 khan Osaka-ah man a ni.

A kaihhruai pawlte hian chet dan changkangin firfiak angin an che thin a ni.

Mi an hreng a, an suam thin a, Israeli tumhmunah pawh beihna lian tak an thlen tawh bawk.

Shigenobu hi kum 1974-a The Haque-a French embassy beihnaah khan hriat an hlawh a, darkar 100 chuang zet ambassador leh mi dang eng emaw zat an hreng a ni.

An phut angin France-in Red Army hel an man an chhuah hnuah an mi hrente pawh an chhuah ve a, Syria ram an panna tur ngaihtuahsak an ni bawk.

Shigenobu-i hi embassy beihnaah hian a tel ve chiah lo va; mahse, Japanese court chuan kum 2006 khan a pui nasa hle niin kum 20 tang turin a hrem a ni.