Aizawl : Vawiin October 31, 2022 (Monday) khan Union Minister of State for Agriculture and Farmers Welfare Pu Kailash Choudhary chuan BJP  State Office a tlawh a, Party mite hma ah thu sawiin 2023-ah Mizoram-a BJP a sawrkar ngei theih nan hma an lak tur thu a sawi. 

Union MoS Agriculture leh Farmers Welfare changtu chuan, “BJP Mizoram State President Vanlalhmuaka kaihhruaina hnuaiah theihtawp chhuahin hma la u la, Kum 2023 ah chuan Mizoram ah BJP Sawrkar a pian theihna turin leh Mizoram in central malsawmna a taka an dawn theih nan MLA General Election-ah BJP Sawrkar kan hmuh ka beisei. PM Schemes chungchangah emaw, thil dangah pawh harsatna innei a nih phawt chuan BJP Member te chu chhungkua kan nih avangin, eng hunah pawh biak theih in ka awm reng a, inharsatna te sutkian a nih theih nan theihtawp chhuahin ka lo pui dawn che u a ni,” a ti.

Pu Kailash Choudhary Minister chuan, “Vawiina Mizorama ka lo kal chhan chu NE States te tan hmasawnna chanchinṭha au chhuak turin a ni a, NE States-a hmasawnna a awm loh chuan India ram hmel lan dan a kim lo a ni. Prime Minister Pu Narendra Modi hian NE States a ngaih pawimawh em avangin Union Minister te chu NE States-a hmasawnna a lo thlenna tur leh Party Worker-te tih chakna kawnga hmalak pui a, Mizorama mirethei te’n PM Scheme kaltlanga Central Sorkar aṭanga malsawmna an dawn theih nana lo kal ka ni,” a ti bawk.