July 12, 2023; Tunhnai kum 3 (2020-22) chhung a Mizoram police ten heroin an man zat chu kg 71.584 a tling a, hemi hun chhung a ruihhlo kaihhnawih a man mi 655 zinga 71 te chu foreigner an ni.

Mizoram police tarlan danin, kum 2020 ah heroin kg 8.784 man niin, 2021 ah kg 15.792 leh 2022 ah kg 49.367, a vaiin kg 71.584 an man. Heroin an man kaihhnawih ah 2020 ah thubuai 80 an ziak lut a, 2021 ah 101 leh 2022 ah 207 an ziak lut.

Tunhnai kum 3 chhung a police in ruihhlo kaihhnawih a mi an man zawng zawng chu 655 niin, Indian 584 leh foreigner 71 an ni a, hemi hun chhung hian kum 2022 chu ruihhlo man tam ber kum leh chumi kaihhnawih a mi man an neih tam ber kum a ni.