Aizawl: Mizoram Excise & Narcotics Department chuan sawrkarin dan hnuai a zu zawrh a phal hnu kum 2015 atanga 2018 thleng khan tualchhung siam chhuah Rakzu litre 103,473.75 an man a. Zu khapna hman lai kum 4 (2011 atanga kum 2014) chhunga Rakzu an man zat chu litre 1,78,457.33 a ni.
Mizoram Excise & Narcotic Department chhinchhiah danin kum 2015 atanga zu khapna dan (MLPC Act) hman a nih hnu ah tualchhung siam chhuah Rakzu man tur a tlem a, kum 2015-18 chhunga Rakzu man zawng zawng litre nuai 1 chuang a nih lai hian dan hnuai a zu zawrh a nih hma, Zu khap burna hman a nih lai MLTP Act hnuaiah erawh Rakzu man tur a tam hle thung.
END te hian MLPC Act hman lai aia MLPC Act hnuai a Rakzu an man tlem lai hian MLPC Act hnuaiah vek hian state pawn atanga lak luh IMFL (a senchi) pawh an man tlem zawk hle bawk a. MLTP Act hman a nih lai kum 2011 ah END ten a senchi (750ml) um 64,396 an man a, 2012 ah um 93,691, 2013 ah um 89,377 man in 2014 ah um 80,476 an man bawk a. MLTP hman lai kum 4 chhunga a senchi an man zawng zawng hi um 327,940 a tling. Dan hnuai a zu zawrh a nih hnu kum 2015 ah END ten a senchi (750ml) um 31,967, 2016 ah um 5,261, 2017 ah um 4,465 leh nikum 2018 khan um 1,956 an man a, kum 4 chhunga END ten a senchi (750ml) an man zawng zawng hi um 43,649 a ni.
Zu phalrai chhung kum 4 aia zu khap chhung kum 4 a Excise & Narcotics department in zu an tam zawkna hi um 284291 a tling a ni.
&&&&&