ZALEN August 19, 2023: Mizoramah kum 6 kalta chhungin in kang 225 leh ram kang 586 a awm a. Kangmei vang hian thi 18 awmin hliam 42 an awm bawk.

Fire & Emergency Services Department chhinchhiah danin kum 2018 ah in kang 37 leh ram kang 56 a awm a. Kum 2019 ah in kang 28 leh ram kang 16, kum 2020 ah in kang 37 leh ram kang 131, kum 2021 ah in kang 71 leh ram kang 199, kum 2022 ah in kang 34 leh ram kang 44, kumin 2023 January atanga July thla tawp thleng khan in kang 18 leh ram kang 140 chhinchhiah a ni.

Kum 6 kalta chhung khan kangmei vanga thi hi mi 18 an awm nia chhinchhiah a ni a, heng te hi kum 2019 ah 3 leh nikum 2022 ah 15 te an ni a, heng kum 2 bakah hi chuan kangmei vanga thi an awm lo a ni. Kangmei vanga hliam hi kumtin an awm a, kum 2018 ah 14, 2019 ah 7, 2020 ah 2, 2021 ah 3, 2022 ah 11 leh kuminah 5 te an awm tawh a ni.

Kangmei vanga sum hloh hi a tam tham hle a. Fire & Emergency Services Department chhinchhiah danin kangmei vanga sum hloh hi 2018 ah Rs. 9,24,33,637; kum 2019 ah Rs. 1,39,15,930; kum 2020 ah Rs. 5,22,79,768; kum 2021 ah Rs. 26,92,60,507; nikum 2022 ah Rs. 23,69,08,000 leh kumin ah Rs. 48,63,800 te a awm tawh a ni. Hetih lai hian F&ES ten bungrua an chhanhim hi 2018 ah Rs. 24,91,36,750; kum 2019 ah Rs. 4,26,24,000; kum 2020 ah Rs. 11,75,22,432; kum 2021 ah Rs. 85,33,41,693; nikum 2022 ah Rs. 19,28,23,000, kumin ah Rs. 31,00,000 te a awm tawh bawk.