January 24, 2024; Sesawng khua a bike in a sut Zohliri (60) chu a hliam tuarlo in a boral a, a sutu pawh Bawngkawn Police te kutah a inpe tawh nia thudawn a ni.

ZALEN thudawn danin, January 22, 2024, Thawhtanni zing dar 8 vel khan Honda CB nia hriat chuan Zohliri hi Sesawng ah a su a, a hliam buaipui a nih laiin bike khalhtu hi a lo tlan tlang a ni.

Zohliri hi Civil Hospital, Aizawl panpui niin, nimin (23.1.24) zing dar 4 vel khan a boral a, nimin vek chawhnu dar 2 khan vuiliam a ni.

Sesawng YMA leh Bawngkawn Police ten a sutu bike khalhtu hi ngawrh takin an zawng a, social media lamah te vanduaina thlen dan tlangpuite an tarlang bawk.

Hetihlai hian Zodingi sutu Dingsuanthanga s/o Chinkhanhauva, N. Hlimen, tun a Leitan a khawsa mek chu nizan khan Bawngkawn Police te kutah a inpe tawh nia thudawn a ni.