ZALEN July 29, 2024; Keiṭum Dinthar Presbyterian kohhran a lawi, Liandailova (81) h/o Lungmuani (L) chu kum 33 chhung a zawnin sunday school a kaikim tawh.

ZALEN thudawn danin, Liandailova hi kohhran ngaipawimawh em em niin, sunday school bakah, kohhran inkhawm dangte pawh a dam that phawt chuan thulh ngai manglo a ni.

Kum 1990 atanga kumin 2024 thlengin sunday school a kaikim tawh a, khaw danga a zinchhuah chang pawhin Pathianni cham lo turin a insiam rem thin a, hei hi sunday school kai a ngaihpawimawh vang a ni.

Sunday school kai tha lawmman 'Pi Zaii Medal' te pawh hlan a lo ni tawh a, a lawina kohhran pawhin chawimawina te pawh an lo hlan tawh thin.

Anmahni hi Keiṭum field venga khawsa niin, a nupuiin kum 2009 khan a lo boral san tawh a, tunah hian a tu leh fate nen an khawsa mek a ni. Keiṭum khua hi Serchhip district a awm a ni.