July 13, 2023; Bukpui khua Pi Lalrawni (94) chuan hriselna tha a la nei, a zawh tawkin thing eh leh inchhung sekrek khawihin a la che thei.

ZALEN thudawn danin, Pi Lalrawni te unau hi 10 niin, a upa ber a ni a, an unau mi 8 an la dam.

A adhaar ah kum 1928 a piang anga ziah a ni a, a pasal in amah aiin kum 1 a a naupan zawk thu a sawi thin avangin, kumin hi kum 94 a tlinna ah a fate chuan an ngaihsak a, 1928 hi a pian kum dik tak a an pawm zawk chu a ni thung.

A kum tam viau tawh mahse, ama zawh tawkte in thingte a la ek peih thin a, eirawngbawl leh sekrek dang khawih lamah pawh a tih theih tawk tam tawh lo mah se, a chenpui ten an remtih chuan a la che peih reng thin. A khaw hmuh kawngah harsatna lian tham lutuk a la nei lo bawk a, fa 6 neiin, a pasal in kum 2014 khan kum 86 mi niin a lo boral san tawh a ni.

A damkhua lo sei zel se, chhung leh khatte tan a malsawmna ni zel turin duhsakna sangber ZALEN chuan kan hlan e.

Bukpui khua hi Kolasib district chhung a awm niin, Serkhan - Bagha road a awm a ni.