Aizawl: Mizoram Pollution Control Board (MPCB)-in khawl hmanga Air Quality a zirchian thin naah, April ni 22-24 chhung bika tehnain a tarlan danin Mizoram khaw hrang hrangah boruak bawlhhlawh dan a inthlau hle tih hmuh a ni.
Kum 2017 tehna nena khaikhinin Aizawl leh Lunglei bikah boruak bawlhhlawh dan inthlak nasa tak a lang bawk a ni. MPCB tehna atanga a lan danin khaw dang zawng aiin Aizawl khaw chhung a bawlhhlawh bik hle a ni tih hmuhchhuah a ni a. Khaw dangte erawh a tlangpuiin a bawlhhlawh lutuk lo.
Kum 2017 AQI (Boruak bawlhhlawh dan tehna) nena khaikhinin kum 2019 AQI (ni 22-24 chhunga zirna)-ah hian Aizawl chu 104 atangin 171-ah a kaichho a, Lunglei erawh 34 atangin 12-ah tlahniamin hmasawnna nasa tak hmuh a ni. Kum hnih chhung lekin Lunglei hian 41.5% laia danglamna an hmu thei a a ni.
Air Quality Index-ah hian 101-200 a kai chinah hi chuan chuap leh lung natna nei, naupang leh upa lamte tana harsatna a thlen tan thei tawh a ni.
(Dorothy Malsawmzuali)

Khawl dahna leh index
Sikulpuikawn 126, Laipuitlang 27, Bawngkawn 56, Dawrpui 70, Lengpui 34, Kahrawt (Champhai) 23, Vengthlang (Champhai) 34, Project Veng,( Kolasib) 27, Diakkawn(Kolasib) 39, Farm Veng (Lunglei) 7, Venglai (Lunglei) 10.