Aizawl : Mizoram Excise & Narcotic Department chuan April 1, 2021 - March 31, 2022 chhung khan Sap zu (Foreign Liquor & Spirit) sipai leh force dang ten an lakluh atanga excise duty an chawi leh dan lova ruihhlo tawlhtu te an chawi tir atang leh thil danga atangin Cheng 1,79,92,165.00 zet sum an thawkchhuak a, an thawhchhuah tura an target cheng nuai 100 chu Rs nuai 79,92,165.00 in an khum.

Excise department te hian Sap zu atang hian chhiah Rs. 1,42,56,855.00 chhiah an hmu a, dan bawhchhia an man an chawitir zat tlingkhawm hi Rs. 29,00,819.00 a ni a, thil dang atanga an lakluh hi Rs. 8,34,500.00 a ni bawk.

Tualchhung Zu an man chu litre 51301.407 a ni a, zu bilhlai tin 130415 an tichhia a, Dawidim hi KG 646.68 an man. IMFL hi bottle pangngai 13406 an man a, um chanve um 1128 leh ml 180 um 80 an man bawk. Beer um 140 an man a, Can beer - 8554, foreign atanga lakluh zu um - 1801, foreign beer-9 leh foreign canned beer - 9574 an man bawk a ni.

Zu siamna atana hman bungrua an man zingah bel 945, Plastic bucket 10 leh BEDC litre 1191.9 leh an dahna te a tel a, wine litre 4450.25 an man leh dahna te a tel bawk.

Lirthei chi hrang hrang 113 ruihhlo kaihhnawihah an man a, LMV chu man hnem ber niin 65 an man a, Two wheeler chuan dawtin 27 an man a, HMV - 5 an man tel bawk.

Heroin (in kilogram) - 18.466 ; Ganja (in kilogram)- 366.548;  Methamphetamine (in kilogram)- 35.935 ; Nitrazepam (in tablet) - 238 ; Alprazolam (in tablet) - 3350 ; Clonozepam (in tablet) - 80 ; Cough Syrup (in phial) - 1784 ; Tramadol (in tablet) - 2120  ; Buprenorphine (in tablet)- 73 an man.

NDPS Act. "85 hnuaiah mi - 517 an man a ;  NDPS Act. '85 hnuaih mi 371 case ziahluh an ni a ; MLP Act, 2019 hnuaiah mi 2425 man an ni a ; MLP Act, 2019 hnuaih mi 3015 case ziahluh an ni a ; ME Act, '73 hnuaih mi 193 man niin ME Act, '73 hnuaih case ziahluh mi 192 a awm a, ramdang mi 17 man an ni bawk.