August 19, 2023; Mizoramah nikum a ruihhlo vanga thi zat aiin kumin a ruihhlo thihpui an tam tawh zawk. Han hawi vel teh, ruihhlo vanga buai an tam zia hi...!

Excise & Narcotics Department (END)  tarlan danin, nikum chhung khan ruihhlo vanga thi mipa 39 leh hmeichhe 4, an vaiin mi 43 an awm a, chumi zat aia tam chu kumin August ni 16 thleng khan ruihhlo vanga thi an awm tawh.

Kumin a ruihhlo vanga thi te hi mipa 39 leh hmeichhia 8, an vaiin mi 47 an ni a, an vaiin heroin kaihhnawih vanga thi vek an ni.

Kum 1984 atanga kumin August ni 16 thleng khan Mizoram ah ruihhlo vanga thi mi 1,783 an awm tawh a, chung zinga mi 1570 te chu mipa niin, midang 213 te chu hmeichhia an ni.