Kumin HSLC pakhatna in scooty a dawng

ZALEN May 13, 2025; Kumin pawl 10 result chhuaka Mizoram puma pakhatna PC Lalthakimi chu a luhna KD High School in scooty thar an pe.

Vawiin chawhma dar 11 khan KD. High School chuan kumin a HSLC result an neih lawmna hun Dawrpui Multipurpose Centre-ah an hmang a, he hun hi School Education department Director Angela Zothanpuiin a hmanpui.

He hunah hian an zirlai kumin HSLC a Mizoram pum a pakhatna PC Lalthakimi D/o Darthuama chu scooty thar an hlan a ni.

Tarlan tawh angin PC Lalthakimi hian kumin HSLC ah khan full mark 500 ah 479 hnuin, Distinction-ah a pass a, subject 5-ah letter a hmu.

#ZalenNews