Aizawl August 20, 2024 : Mizoram State Commission for Protection of Chiled Right (MSCPCR) chuan hma lan lak tawh chinah kumtling lo hnathawk mi paruk an hmuhchhuah tawh thu an sawi.

Nimina chanchinthar thehdarhtute an kawmnaah MSCPCR chuan Mizoram-ah kumtlinglo hnathawk an awm ngai loh thu chu central lamah pawh an insawi dan thin a nih thu an sawi a, chutihrualin an awm ngei nia thu an dawn avangin survey an nei a, kumtlinglo hnathawk hi an hmuhchhuak ta tih an sawi.

Heng kumtlinglo hnathawk an hmuchhuah te hi Mizoram mi chiah chu an ni lo an ti a, Manipur atanga raltlan an nih thu an sawi a, heng naupang zingah hian workshop a thawk an tam ber an ti bawk. LESDE chu he naupangte buaipuitu tur niin an sawi a, an hmalak dan chin erawh an hre lo.

MSCPCR chuan mipuite RTE Helpline – 60098 88804 hmang tangkai tura an duh thu an sawi a, Sikul luhnaa harsatna neite tan a chunga number-ah hian a complain thehluh theih a ni.