August 15, 2023; Vawiin tlai (15.8.2023) khan social media ah hmeichhe naupang kut inthlak lai video a viral a, kutthlaktu leh a thurualpui nia langte chungchangah Special Juvenile Police Unit lamin hma an la nghal a, Child Welfare Committee (CWC) beng pawh a thleng tawh nia hriat a ni.

ZALEN thudawn danin, video viral Serchhip Dsitrict a thil thlengah hian complaint lutin, Special Juvenile Police Unit leh Child Welfare Committee in an chhui nghal a. Video viral taa naupang 2 te hi kumtlinglo ni ve ve a hriat a nih avang leh zan lam a nih tawh vangin pawikhawihtu nia hriat leh a kutthlak hi thuneitute kuta la lak an ni lo a. Khaw en laiin hmalak chhunzawm tum a ni a. Video a lo latu leh a thehdarhtu hmasate pawh bawhzui tum an nih thu ZALEN chuan a dawng.

Video viral ah hian hmeichhe naupang pakhat kumtlinglo chu hmeichhia kumtlinglo tho nia hriatin kut a thlak a, video a a lan danin, kut an inthlak lai hi video a cover niin, hmeichhe naupang nia ngaih theih dangte aw te pawh a lang bawk.

Kumtlinglo kut inthlak lai video post darh hi Juvenile Justice Act in a phalloh thil a ni tih kan thudawnna chuan a sawi bawk.