ZALEN October 1, 2023 : September 17, 2023-a Prime Minister-in India rama kutthemthiamte chawikanna tura 'PM Vishwakarma' scheme a tlangzarh tak chungchang hrilhfiah turin Thawhtanni atanga Raj Bhawan-a neih tur 'The Grand Gandhi Jayanti Exhibition' ah LESDE chuan stall an hawng dawn. He Scheme kaltlang hian loan pawh pek tur a ni.

PM Vishwakarma hi India rama cheng, chhungkaw sumdawnna kalpui thin thiamna hrang hrang nei te tana hamthatna siam sak tura hmalakna tur a ni a, he huang chhungah hian huang 18 vel bawr a awm. Portal-ah hian inziahluh theih a ni a, dahkhamawm lovin loan hi an pe thei a, loan rulh that dan a zirin a aia tam zawk pawh pek theih zel tur a ni.

Loan la duh lo tan pawh he scheme a inziaklut te chu an hmarua tur mamawh leina tur Cheng 1,500 thleng pek theih an ni dawn a, hei hi sumfaia pek tur a ni lo thung. Heng scheme hnuaia hamthatna dawng thei te hi chu mahni kutkawih a thiamthil nei, chhungkaw inthlahchhawn atanga eizawnna atana hmang te tana tih a ni.