Kylie Jenner leh Travis Scott te hi milar inkawp zingah chuan chanchin sawi tur ngah ber zinga mi an ni hial awm e! An in 'date' tirh atanga an fa neih hnu leh an inthen thu thlengin media lamah chhiar tur a awm -  tunah pawh chanchin thar an rawn nei leh ta. 
Kylie Jenner leh Travis Scott te hian fa an nei a, tunge  anih erawh an puangzar lawk lo. February 11, Zirtawpni khan kum 24 mi Kylie chuan social media kaltlangin an fa pahnihna hming a rawn tarlang a, chu chu 'Wolf Webster' tih hi a ni. An fa pahnihna hi mipa a ni ve thung a, a hmel erawh an la tarlang lo thung. Kylie Jenner leh Travis Scott te hian fa pahnih - Stormi AWebster leh Wolf Webster te an nei a, Stormi AWebster hi chu kum li lai a ni tawh. 
Kum 30 mi American rapper Travis Scott leh Kylie Jenner (24) te hi Stormi AWebster an neih hnu khan hun eng emaw chen an inthen a, an inkar pawh a tha lo hle niin an tarlang a nih kha. Mahse hun a kal a, an inkara inhmangaihna lo awm tawh chuan par  rawn chhuang leh a, Wolf Webster a rawn piang leh ta a ni.