Tun thlaa a contract tawp tur, Alexandre Lacazette chuan free agent-in Arsenal a chhuahsan tur thu a sawi chiang tawh. Arsenal tan hian kum nga chhung khel tawhin a club hlui Lyon lamah let a tum niin Sportsmail chuan a tarlang. Arsenal striker hian Emirates a chhuahsan tur thu hi social media lamah a sawi chhuak a ni. 

Kum 2017 khan Arsenal hi Lyon atangin a zawm a, competition hrang hrangah game 206 khel tawhin goal 71 zet a thun hman. A club hlui Lyon lo pawh hi club dang duhtu an awm nual rin a ni. Arsenal club manager Mikel Arteta leh technical director Edu te chuan club tana rinawmna leh inpekna tawh thinna vangin kum 31 mi hnenah hian lawmthu an sawi. 

Lacazette chuan, 'Kum 5 hma lama ka duh thusam chu ka hlen ta' tiin message a hnutchhiahin, "Arsenal jersey ka ha thei kha chawimawina sang tak a ni a, an chhungkuaa ka tel thei kha ka lawm a ni. Trophy ka chawi a, ka player pui te an fel em em bawk a, club kha nuam ka ti takzet a ni.'Gunner in nih tawh chuan Gunner i ni reng tawh ang' Ka lawm e Arsenal," tiin an kal zelna turah club leh fans te chu duhsakna a hlan bawk. 

Lacazette hian 2020 khan FA Cup a chawi bakah 2017 khan Community Shield a chawi bawk. 2018/19 khan Arsenal Player of the Season atan thlan a ni nghe nghe.