Aizawl: LAD Minister PC Lalthanliana chuan Zirtawpni kalta khan State Institute of Rural Development & Panchayati Raj (SIRD&PR) Extension Training Centre (ETC), Pukpui, Lungleia cheng nuai 199.40 senga sak Hostel Building, Guest House leh hmasawnna hnathawh dangte a hawng.   Hawnna thu sawiin Minister chuan, “Hmasawnna hnathawhna tur sum tam tham tak VC-te kaltlanga thawh thin a nih avangin rinawm tak leh dik taka an thawh a pawimawh a ni,” a ti a. VC-te chu thuneihna tam zawk leh mawhphurhna sang zawk pe turin sawrkarin ruahmanna a siam mek niin a sawi bawk.   SIRD &PR Extension Training Centre, Pukpuia hmasawnna building hawn te hi sawrkar laipui Ministry of Rural Development kaltlanga Rs. 199.40 senga sak a ni.